У Баранавічах адбылося ДТЗ з удзелам аўтамабіля ДАІ
- 6.07.2024, 20:51
Аварыя патрапіла на відэа.
Увечары 6 ліпеня адбылося ДТЗ з удзелам двух легкавых аўтамабіляў у Баранавічах на Савецкім праспекце, паведамляе bar24.by. Відавочцы расказалі, што ў раёне гандлёва-выставачнага комплексу сутыкнуліся два аўтамабілі. Адзін з іх – аўтамабіль ДАІ. У выніку ДТЗ збіта агароджа.
На месцы працавалі медыкі. У машын механічныя пашкоджанні. Абставіны аварыі высвятляюцца.