Палітолаг: Лукашэнка страціў прытомнасць праз невылечны дыягназ

• 6.07.2024, 10:26

Хвароба дыктатара развіваецца так, як прадказалі медыкі.

Як паведаміў расейскі тэлеканал «Дождж», Лукашэнку стала блага падчас ягонага нядаўняга візіту на саміт ШАС у Казахстане. Гэта адбылося праз 1,5–2 гадзіны пасля прыбыцця дыктатара ў Астану.

Беларускі палітолаг Дзмітрый Балкунец паведаміў падрабязнасці пра стан і невылечную хваробу ўзурпатара:

«Лукашэнка на саміце страціў прытомнасць.

Такое ўжо было ў яго некалькі разоў. Спякота, пералёт, стрэс, нервы. Любіць добра выпіць.

У траўні 2023 года Лукашэнку рабілі невялікую аперацыю, потым ён у цяжкім стане загрымеў у лякарню. Яму тады ўпершыню паставілі дыягназ – сіндром дысемінаванага ўнутрысасудзістага згортвання.

Падтрымліваецца вельмі дарагімі лекамі. Пакуль усё ідзе, як перадавалі медыкі. Яму супрацьпаказаныя стрэсы і перажыванні», – адзначыў Зміцер Балкунец.