Ліберал Масуд Пезешкіян перамог на выбарах прэзідэнта Ірана

• 6.07.2024, 8:09

Апрацаваныя 30,5 мільёнаў бюлетэняў.

Пасля апрацоўкі 30,5 млн бюлетэняў стала вядома, што ліберал Масуд Пезешкіян атрымаў перамогу і стаў дзявятым прэзідэнтам Ірана.

Пра гэта паведамляе IRNA.

Так, паводле падлікаў, рэфарміст Пезешкіян атрымаў падтрымку 16,4 млн іранцаў, а ягоны канкурэнт кансерватар Саід Джалілі набраў 13,4 млн галасоў.

У першым туры датэрміновых выбараў прэзідэнта Ірана кандыдаты не змаглі пераадолець неабходны для перамогі парог 50%. Тады Пезешкіян набраў 10,4 млн галасоў супраць 9,4 млн у Джалілі, а яўка выбарнікаў склала 40%. Паколькі ніхто не пераадолеў мяжу 50%, у краіне быў прызначаны другі тур прэзідэнцкіх выбараў.

Масуд Пезешкіян выступае за дыялог з Захадам і абяцаў шукаць сяброўскія стасункі. Ён заяўляў, што ягоная адміністрацыя неадкладна будзе працаваць над тым, каб паспрабаваць зняць санкцыі Захаду і аднавіць эканоміку.