Названы самы пітушчы рэгіён Беларусі ў 2023-м годзе

• 4.06.2024, 12:07

Найменшы паказчык у Менску.

Са звестак Белстата, найбольш п'юць у Віцебскай вобласці. Летась тут зарэгістравана 203,8 чалавек на 100 тысяч насельніцтва, якія хварэюць на алкагалізм і алкагольныя псіхозы. На другім месцы знаходзіцца Магілёўшчына -190,4, а трэцяе ў гомельскага рэгіёна - 171,9 чалавек. Найменшы паказчык у Менску - 91,2 на 100 тысяч.

Усяго ў краіне гэты паказчык у 2023 годзе складаў 154,7 грамадзян, якія пакутуюць ад алкагалізму. За апошнія 20 гадоў колькасць такіх людзей у краіне знізілася амаль удвая.