Ціханоўская сустрэлася з Барэлем

• 26.06.2024, 18:19

Яна заклікала галоўнага дыпламата ЕЗ павялічыць ціск на рэжым Лукашэнкі.

Святлана Ціханоўская сустрэлася ў Брусэлі з вярхоўным прадстаўніком знешняй палітыкі Жазэпам Барэлем. Сустрэча праходзіла ў рамках працы кансультацыйнай групы ЕЗ – Беларусь.

Як паведаміла прэс-служба Ціханоўскай, падчас сустрэчы яна заклікала прадаўжаць выдачу шэнгенскіх візаў, дапамагчы з развязаннем праблемаў легалізацыі беларусаў у іншых краінах, трымаць межы адкрытымі для грамадзянаў Беларусі, пры гэтым не змяншаючы, а павялічваючы ціск на рэжым і ягоных памагатых.

Бакі абмеркавалі таксама прадаўжэнне і павелічэнне падтрымкі для грамадзянскай супольнасці, змушэнне рэжыму да адказнасці, развіццё працы кансультацыйнай групы, супрацоўніцтва ў кірунку супрацьдзеяння прапагандзе, а таксама прасоўванне еўрапейскага выбару сярод беларусаў.