На мысе Чаўда, адкуль расейцы запускалі «Шахеды», узнік магутны пажар

• 26.06.2024, 12:00

Апублікаваныя фота са спадарожніка.

У часова акупаваным расейцамі Крыме на мысе Чаўда, адкуль акупанты не раз запускалі іранскія беспілотнікі-камікадзэ тыпу «Шахед» па мацерыковай частцы Украіны, узнік магутны пажар.

На здымку са спадарожніка, які быў зроблены ў панядзелак раніцай, 25 чэрвеня, узгаранне добра бачнае, паведамляе «Радыё Свабода» у Telegram. Пакуль невядома, чаму адбыўся пажар у Крыме – у апошнія дні не было інфармацыі аб дронавых або ракетных ударах па паўвостраве.

Журналісты адзначылі, што на крымскім мысе Чаўда знаходзіцца палігон захопнікаў, з тэрыторыі якога, паводле звестак украінскіх вайскоўцаў, захопнікі запускаюць «Шахеды».