AFP: Рутэ афіцыйна стане новым генсекам NATO заўтра

• 25.06.2024, 20:37

Столтэнберг афіцыйна пакіне пасаду 1 кастрычніка.

Прэм'ер-міністр Нідэрландаў Марк Рутэ афіцыйна стане новым генеральным сакратаром NATO ў сераду, 26 чэрвеня. Пра гэта паведаміла Barron’s са спасылкай на агенцтва AFP у аўторак, 25 чэрвеня.

Як адзначылі крыніцы агенцтва, сталыя прадстаўнікі ўсіх 32 дзяржаваў – чальцоў NATO афіцыйна ўхвалілі прызначэнне Рутэ.

Афіцыйна ён пачне выконваць свае паўнамоцтвы 1 кастрычніка, замяніўшы на пасадзе Енса Столтэнберга.

20 чэрвеня агенцтва Bloomberg пісала, што Рутэ заручыўся аднадушнай падтрымкай краін-чальцоў NATO, каб стаць наступным генеральным сакратаром Альянсу пасля заявы прэзідэнта Румыніі Клаўса Ёханіса пра зняцце сваёй кандыдатуры.