Ва Украіну прыбылі першыя набоі ў рамках чэшскай ініцыятывы

• 25.06.2024, 16:20

Боепрыпасы былі закупленыя за межамі ЕЗ.

Першыя боепрыпасы, закупленыя за межамі Еўропы ў рамках чэшскай ініцыятывы, прыбылі ва Украіну

Як піша BILD, пра гэта заявіў прэм'ер-міністр Чэхіі Пётр Фіяла.

«Мы робім тое, што неабходна», - падкрэсліў ён.

Чэхія ўзначальвае міжнародную кампанію па зборы сродкаў для закупаў боепрыпасаў для ўкраінскага войска. Са слоў чэшскага прадстаўніка ў пытаннях аднаўлення Украіны Томаша Капецні, да канца траўня было атрымана блізу 1,7 млрд еўра на першы закуп 500000 артылерыйскіх боепрыпасаў.

У зборы сродкаў удзельнічалі Нямеччына, Канада, Данія, Нідэрланды і Партугалія, заявіў Капецні. Раней ён паведамляў, што мільёны боепрыпасаў могуць быць закупленыя для Украіны за межамі Еўропы - калі хаўруснікі змогуць сабраць грошы.