«Нік і Майк» аб закрыцці межаў: Лукашэнку балюча ўжо толькі ад адных намераў

• 25.06.2024, 14:59

Наступны крок за Кітаем.

Тэма закрыцця межаў з-за таго, што два дыктатары не толькі атрымліваюць асалоду, але і зарабляюць на гібрыднай вайне супраць Еўрапейскага Звязу і Польшчы, вельмі выразна і публічна прагучала ў Пекіне, піша тэлеграм-канал «Нік і Майк».

Настолькі дакладна, што міністры замежных спраў хунты і Расеі былі вымушаныя яе супольна каментаваць. Мяркуючы з кіслых твараў, сітуацыя балючая і самае галоўнае - нечаканая.

Набор аргументаў бязладны. Ад таго, што "бізнэс зазнае", да "Польшча сама ваявала ў краінах, адкуль арганізаваны трафік". Высновы мяжуюць з істэрыкай: ад абвінавачванняў у непаслядоўнасці (то гавораць аб адкрыцці, то закрываюць) да запрашэння за стол перамоў, каб “зменшыць дээскалацыю сітуацыі”. Увогуле атрымалася балюча толькі ад адных намераў.

Наступны крок за Кітаем. Бо можна колькі хочаш рабіць выгляд, што мігранты "самі ідуць", але ўсе ж разумеюць. Бачныя расейскія намеры і поўнае спрыянне з боку карнікаў хунты ў самых розных пагонах.

Часу на прыняцце пастаноў не так ужо шмат - 3-4 ліпеня саміт ШАС у Астане, які можа стаць непрыемным сюрпрызам для двух кітайскіх васалаў.

Кітаю не вельмі цікавая ўся гэтая сварка ў Еўропе. Вайна гарачая і гібрыдная б'е па інтарэсах. Увогуле, вельмі цікавая тактычная канфігурацыя вымалёўваецца.