Расейскія баявыя верталёты заўважылі ў небе пад Менскам

• 24.06.2024, 16:28

Што адбываецца?

Ля Заслаўскага вадасховішча беларусы зафіксавалі пралёт 8 верталётаў Паветрана-касмічных сіл Расеі і 11 верталётаў з 19 самалётамі Вайскова-паветраных сіл Беларусі.

У Міністэрстве абароны Беларусі заявілі, што гэтае мерапрыемства з'яўляецца часткай падрыхтоўкі да паветранага параду, запланаванага на 3 ліпеня.

Генерал-маёр Андрэй Лук'яновіч, камандуючы Вайскова-паветранымі сіламі і войскамі СПА Беларусі, паведаміў, што да гэтага моманту трэніроўкі праходзілі на тэрыторыі авіябаз у Беларусі і на аэрадромах ПКС Расеі.

«Сёння мы ўпершыню праводзім трэніроўку паветранага парада па паралельным маршруце і ў поўным складзе», — зазначыў Лук'яновіч у паведамленні, апублікаваным у Telegram-канале Міністэрства абароны.