Беларускі педыятр расказаў, у якіх выпадках можна паіць дзіця газ-вадой

• 22.06.2024, 19:22

Ён пракаментаваў папулярную параду з сацыяльных сетак.

«У сацыяльных сетках раяць паіць дзіця колай пры ротавірусе. Няўжо так можна?» — спытала ў «АіФ» жыхарка Пінска.

Так, можна, але ў надзвычайнай сітуацыі.

«Калі дзіця катэгарычна адмаўляецца ад іншых напояў, у надзвычайнай сітуацыі можна прапанаваць гэтую салодкую газ-ваду. Але супрацьвірусныя і антысэптычныя ўласцівасці яе не даведзеныя, — растлумачыў лекар-педыятр 1-й катэгорыі Дзіцячага медыцынскага цэнтра "ЛОДЭ" Павел Чыркун. – Змешчаныя ў ёй вугляводы могуць узмацняць дыярэю, а кафеін – прывесці да стану ўяўнага гумору».

Лекар нагадаў, што пры ротавіруснай інфекцыі найважнейшым з'яўляецца папаўненне водна-электралітных страт у арганізме дзіцяці. Лепш за ўсё для гэтага пасуюць спецыяльныя рошчыны для выпойвання (аральнай рэгідратацыі). Прычым сучасныя рошчыны маюць нэйтральны смак. Калі ж дзіця катэгарычна адмаўляецца іх піць, яму можна прапанаваць, напрыклад, гарбату з цукрам, узвар з сушаных пладоў, морс.