Сербія экспартавала Украіне зброю на 800 мільёнаў еўра

• 22.06.2024, 17:31

Пра гэта заявіў прэзідэнт краіны Вучыч.

Аб'ём экспарту боепрыпасаў з Сербіі, якія паступілі ва Украіну праз трэціх асоб, склаў прыкладна € 800 млн, паводле ацэнак, якія публікуе Financial Times.

Прэзідэнт Сербіі Аляксандр Вучыч пацвердзіў, што лічба адпавядае "прыблізным паказчыкам", заявіўшы ў інтэрв'ю выданню, што гэта сума, "можа быць, за два ці тры гады, нешта такоўскае".

Ён падкрэсліў, што продаж боепрыпасаў - магчымасць для бізнэсу і частка эканамічнага адраджэння Сербіі.

Вучыч адзначыў, што ў Сербіі ёсць выдатная магчымасць, паколькі вырабленая ёй зброя таннейшая за заходнюю, і сказаў, што агульны аб'ём экспарту сербскіх боепрыпасаў можа павялічыцца.