«Ну як цяпер быць, Алеж?»: УСУ знішчылі «Панцыр-С1» пад Белгарадам

• 22.06.2024, 15:27

Рэакцыя мясцовых жыхароў неацэнная.

Пад Белгарадам, папярэдне, знішчаны расейскі самаходны зенітны ракетна-гарматны комплекс (ЗРПК) «Панцыр-С1». Наступствы ўдару знялі на відэа відавочцы, паведамляе Дыялог.UA.

Мясцовыя жыхары паказалі кадры пажару на месцы, дзе знаходзілася расейская сістэма супрацьпаветранай абароны.

«Гэта наша СПА. Ну як цяпер быць, Алеж? Яны ж не будуць цяпер лавіць ракеты», – скардзілася за кадрам расейка.

Паводле звестак мясцовых жыхароў, пасля дэтанацыі ўвесь раён накрыў «дождж» з аскепкаў баявой машыны. Вядома, што інцыдэнт здарыўся ў раёне населенага пункта Дубовае, што на поўдні ад Белгарада і прыкладна за 30 км ад украінскіх межаў.