Кіраўнік МЗС Польшчы Радаслаў Сікорскі высмеяў Пуціна

• 21.06.2024, 18:28

І заклікаў яго не турбавацца праз паразу ў вайне.

Пуціну не варта хвалявацца праз паразу у вайне супраць Украіны.

Аб гэтым заявіў кіраўнік МЗС Польшчы Радаслаў Сікорскі ў X (Twitter).

Сікорскі нагадаў Пуціну, што гісторыя Масквы складае менш за 900 гадоў, бо горад быў заснаваны толькі ў 1147 годзе. Ён адзначыў, што Пуцін "празмерна хвалюецца" наконт паразы Расеі ў вайне з Украінай і таго, што гэта "пакладзе канец тысячагадовай расейскай дзяржаўнасці".

Кіраўнік МЗС Польшчы пералічыў прычыны, якія ставяць пад сумнеў заявы Пуціна:

- Масква была заснавана толькі ў 1147 годзе (г.зн. не налічвае і 900 гадоў гісторыі);

- РФ перажыла паразы ў Крымскай вайне, вайне з Японіяй, Першай сусветнай вайне, пасля ўварвання ў Польшчу 1920 года, вайне ў Афганістане і Халоднай вайне (гэта значыць ужо неаднаразова саступала ў вайне);

- Пасля імперыі надыходзіць месца для “нацыянальнага жыцця”.