У курортным рэгіёне Беларусі прадаецца прасторны дом на беразе возера
- 21.06.2024, 15:26
З лазняй і ўласным пірсам.
Адасобіцца ў цішыні, атрымаць асалоду на вольным паветры, парыбачыць або паплаваць, а пасля гэтага - папарыцца ў лазні. У базе Realt з'явіўся дом, які створаны менавіта для такога прыемнага і спакойнага загараднага жыцця. Цікавае размяшчэнне паміж двума азёрамі ў мястэчку з развітай інфраструктурай, уласны пірс, якаснае будаўніцтва, прадуманая інжынерыя. Тут усё ўжо практычна гатова для жыцця - давайце паглядзім!
У мястэчку — два возеры і добрая інфраструктура
Камяніца знаходзіцца ў мястэчку Дунілавічы Пастаўскага раёна Віцебскай вобласці. Месца, можна сказаць, гістарычнае: упершыню Дунілавічы былі згаданыя ў пісьмовых крыніцах у 15 стагоддзі.
Шлях да Дунілавічаў — гэта паўтары гадзіны ад Менска па добрым дарожным пакрыцці і ўсяго два павароты. Прырода вакол уражвае - лясы, азёры, рэкі. На ўрадлівай глебе растуць грыбы і ягады.
Аграгарадок размешчаны паміж двух вялікіх азёр - Бледнае і Свідна.
Тут добра развітая інфраструктура: ёсць абсталяваныя пляжы для адпачынку, прыпынак грамадскага транспарту, харчовыя крамы, пошта, кавярня-сталоўка, школа і помнік архітэктуры, пабудаваны ў 1769—1773 гадах і ўваходзіць у спіс гісторыка-культурных каштоўнасцей Беларусі. Гэта беласнежны каталіцкі храм у стылі барока з унікальным двух'ярусным алтаром. Яшчэ адна славутасць гэтай мясцовасці - пейзажны парк Крыкалы, сфармаваны на стыку 18 і 19 стагоддзяў.
Пляц - з дагледжаным газонам і сваім пірсам, з якога можна рыбаліць
Дом, пра які мы раскажам, размешчаны проста на беразе возера Бледнае — такой лакацыяй могуць пахваліцца толькі 6 пляцаў у Дунілавічах. Прычым ён знаходзіцца на ўзвышэнні, таму ніколі не падтапліваецца.
Плошча пляцу - 11 сотак. На дагледжанай тэрыторыі са спецыяльна высаджаным газонам зроблена падсветка, а сцяжынкі выкладзеныя пліткай. Першапачаткова тэрыторыя была з ухілам, таму пабудовы паставілі на розных узроўнях і злучылі прыступкамі, што надало ландшафту сваю разыначку. Дом і лазня размешчаныя вышэй, зона для адпачынку - ніжэй.
Абсталяваны два ўезды, ёсць стаянка для аўто.
Паколькі ўчастак размешчаны вельмі блізка да возера, тут ёсць пірс з пляцоўкай для рыбалкі. У возеры вылоўліваюць буйных шчупакоў, карасёў і нават ліня.
І дом, і грунтоўны паркан пабудаваныя на істужачным падмурку. Прасторны двухпавярховы катэдж займае плошчу 160 м², ён быў уведзены ў эксплуатацыю ў 2022 годзе.
Адкрытая тэраса ідзе вакол рога дома. Выгляд адгэтуль надзвычайны: векавыя дрэвы, вялікае возера. Тэраса ідэальна падыдзе для сямейных вячэраў, для свят у кампаніі сяброў і проста для спакойнага адпачынку сам-насам з прыродай.
На першым паверсе дома - вялікая кухня-гасцёўня з вокнамі ў падлогу, санвузел і дзве спальні.
На другім - тры пакоі, вялікі хол, у якім можна з лёгкасцю паставіць більярдавы стол.
У доме зроблены свежы рамонт пад ключ, устаноўлены шклопакеты. Другі паверх абабіты дрэвам.
Ёсць лазня і ўсе камунікацыі: можна жыць ці пачынаць аграсядзібны бізнэс
Дах дома зроблены з металадахоўкі, сцены газасілікатныя, уцеплены і абтынкаваныя. Дом выграваецца з дапамогай цвёрдапаліўнага катла DREWMET MJ-1 (48 кВт, 12 контураў апалу), а на першым паверсе дадаткова зроблена цёплая падлога. На пляцы - свая ўцепленая свідравіна з вадой глыбінёй 69 метраў. Пад хату і лазню ўсталяваная каналізацыйная металічная ёмістасць.
На пляцы размешчаная вялікая лазня з цыліндраванага бруса дыяметрам 22 гс з печчу на дровах. ЛАзня ўмяшчае шэсць-сем чалавек. Таксама тут ёсць памывачны, зашклёны калідор і два пакоі адпачынку - на першым і другім паверхах. Устаноўлены бойлер на 50 літраў.
Акрамя гэтага, на пляцы размешчаная гаспадарчая пабудова з дровамі.
Гэтае месца ідэальна пасуе як для камфортнага загараднага жыцця, так і для старту аграсядзібнага бізнэсу. У катэджы можа размясціцца адразу некалькі буйных кампаній. А выхад да возера, векавыя дрэвы побач, прыгожыя прыродныя краявіды і ўнікальныя славутасці паблізу могуць стаць унікальнымі адметнасцямі для гасцей сядзібы.
Дом прадаецца за 115 000 даляраў (разлік у беларускіх рублях паводле курсу Нацыянальнага банка Рэспублікі Беларусь).