Нелегалы атакавалі польскіх памежнікаў бярвёнамі

• 21.06.2024, 11:41

Відэа.

У спробе перайсці мяжу з Польшчай група нелегалаў была спыненая польскімі памежнікамі. Прыкладна 70 чалавек спрабавалі перайсці памежную раку Перавалоку ўдзень 19 чэрвеня, але былі вымушаныя адступіць пасля ўмяшання польскіх спецслужбаў.

Паводле паведамленняў Польскай памежнай службы, інцыдэнт адбыўся блізу 15:00, калі нелегалы, спрабуючы пераадолець мяжу, пачалі кідаць бярвенні і камяні ў бок патрульных польскіх афіцэраў. Супольнымі намаганнямі пагранічнікаў, вайскоўцаў і паліцыі была папярэджаная незаконная пераправа, і мігранты адступілі назад у Беларусь.

Пазней таго ж дня, блізу 22.30, адбылася яшчэ адна спроба пераадолення мяжы групай нелегалаў. Адзначаецца, што іх паводзіны былі агрэсіўнымі, і яны кідалі камяні ў кірунку польскіх патрулёў. Гэтая спроба таксама была адбітая, ніхто не атрымаў траўм падчас абодвух інцыдэнтаў.