Намесніка міністра абароны РФ Іванова звольнілі «ў сувязі са стратай даверу»

• 20.06.2024, 20:01

Ён знаходзіцца пад арыштам.

Цімур Іваноў быў звольнены з пасады намесніка міністра абароны ў сувязі са стратай даверу, вынікае з рэестра, размешчанага на ўрадавым партале «Дзяржслужба».

У якасці падставы ўказаны пункт 1.1 часткі 1 артыкула 37 закона аб дзяржслужбе. У гэтым пункце гаворыцца пра звальненне ў сувязі са стратай даверу.

20 чэрвеня ў Басманным судзе Масквы разглядалася пытанне пра падаўжэнне арышту Іванову. Суд пакінуў яго пад вартай да 23 верасня.