Брытанская выведка расказала, што здарылася з расейскім Су-34

• 20.06.2024, 12:35

Знішчальнік-бамбавік упаў у Паўночнай Асеціі.

Брытанская выведка выказала меркаванне, што страта Расеяй знішчальніка-бамбавіка Су-34 у Паўночнай Асеціі магла быць звязаная са зношанасцю самалётаў і экіпажаў, час вылету якіх павялічыўся праз разгрупаванне авіяцыі і размяшчэнне яе яшчэ далей ад фронту.

Пра гэта гаворыцца ў справаздачы выведкі Мінабароны Вялікабрытаніі, апублікаванай у чацвер, 20 чэрвеня.

Выведчыкі адзначаюцца, што далейшыя паспяховыя ўкраінскія атакі на аэрадромы, з якіх праводзяцца ўдарныя аперацыі, такія як Маздок, Акцюбінск і Марозаўск, хутчэй за ўсё, прымусяць Расею і далей працягваць разгрупоўваць авіяцыю.

Са звестак справаздачы, серыя ўкраінскіх удараў па цэлях у Крыме прывяла да знішчэння крытычна важных элементаў расейскіх зэнітна-ракетных комплексаў С-300 і С-400. Гэтыя поспехі падкрэсліваюць, што Расея спрабуе абараніць свае аб'екты ў Крыме, нягледзячы на значныя эканамічныя выдаткі на супрацьпаветраную абарону.

Там адзначылі, што хоць цалкам магчыма, што Расея зможа хутка замяніць сістэмы, далейшае знясіленне, магчыма, прымусіць яе залучаць абсталяванне з іншых рэгіёнаў, каб захаваць шчыльнасць пакрыцця СПА ці ж будзе вымушана змірыцца з змяншэннем сваіх магчымасцяў, падстаўляючы свае войскі ў Крыме пад падвышаную рызыку.