"Усё настолькі дрэнна, што хочацца сабраць рэчы і пайсці дадому"

• 20.06.2024, 9:41

Жыхарка Слуцка паказала "рамонт" у дзіцячым аддзяленні раённай лякарні.

Случчанка Марыя звярнула ўвагу на гаротны стан інтэр'ераў у дзіцячым аддзяленні Слуцкай цэнтральнай раённай лякарні (ЦРБ). Спадарыня спадзяецца, што гэта нейкім чынам паскорыць развязанне праблемы, піша партал SlutskGorod.

“Ляжым з малодшым дзіцем у дзіцячым аддзяленні. Калі я зайшла ў палату, я вярнулася на 10 гадоў таму, калі ляжала са старэйшым. Я і падумаць не магла, што рамонт у лякарні не рабілі ўжо шмат гадоў. Усё да такой ступені страшна, сказаць, што я ў шоку... Проста няма слоў. Гэта аддзяленне для дзяцей, але ўсё настолькі дрэнна, што хочацца сабраць рэчы і пайсці дадому, але я разумею: трэба лячыць дзіця”, - напісала Марыя.

Пры гэтым яна падзякавала ўсім супрацоўнікам аддзялення, пачынаючы ад санітарных работнікаў і заканчваючы лекарамі, за "вельмі добрае стаўленне".

"Інфекцыйнае аддзяленне адрамантавалі, але чаму дагэтуль дзіцячае аддзяленне ў такім стане?" - пытаннем Марыя.

Як высветліў партал, у кіраўніцтве лякарні ведаюць аб сітуацыі ў дзіцячым аддзяленні, але гэтае пытанне плануюць пачаць пазней. Цяпер там занятыя рамонтам даху былога педыятрычнага аддзялення, наконт якога ўжо праведзеныя таргі і пачынаюцца працы.