На Шабаны абрынуўся буйны град

• 18.06.2024, 18:48

Жыхары мікрараёна перажываюць за свае аўто.

Чытачы "Онлайнера", якія пражываюць у Шабанах, паведамляюць: раён нядрэнна так прысыпала буйным градам. Памер ледзяных куляў, якія потым расклалі на далоньках менчукі, уражвае і палохае. Ёсць і відэа, дзе за кадрам нехта так моцна перажываў за сваё аўто, што ўсе цытаты давялося на ўсялякі выпадак адрэзаць.

А заўтра яшчэ больш будзе: Белгідрамет абяцае +32, пры гэтым месцамі навальніцы, моцныя дажджы і моцны вецер да 20 м/с. Пра град у прагнозе сіноптыкаў нічога не сказана, але мы ўжо з вамі ведаем, што ён той яшчэ аматар наляцець з неспадзеўкай.