«Нічога сабе нанараспрацоўка!»

• 16.06.2024, 15:14

Вешалка для штаноў ад Слуцкага прадпрыемства шакавала беларусаў.

Незвычайныя вешалкі для штаноў выпусціла Слуцкае прадпрыемства «Ямпаль-Слуцк». Асаблівасць у тым, што яны дадалі да звычайнай вешалкі канцылярскія заціскі. Відэа набрала больш за 60 тысяч праглядаў.

«Нічога сабе нанараспрацоўка слуцкага заводу! Вешалка для штаноў з канцылярскімі прышчэпкамі. Ну што, бярэм нанатэхналогію?» – кажа аўтар відэа, які знайшоў незвычайны тавар у краме ОМА.

Каментатары сустрэлі айчынны выраб з гумарам.

«Не, ну а што, там напэўна цэлае канструктарскае бюро год думала, як гэта зрабіць».

«Я заўсёды ведаў, што нашы інжынеры сядзяць на каналах з лайфхакамі, але я не думаў што ўсё настолькі сур'ёзна».

«Калектыўны захад напружыўся».

«А што так можна было?»

«Наступны выраб будзе з пластыкавай бутэлькі?»

Многія каментары падтрымалі вытворцу і адзначылі, што ідэя добрая, ёю можна скарыстацца і самім.

Кошт такой вешалкі немаленькі – амаль 10 рублёў, але аўтар відэа бачыў яе на зніжцы 51%.