Стала вядома, што за аўтобус гарэў на трасе каля Лунінца

• 16.06.2024, 13:57

Пасажыры спачатку пачулі выбух.

Паблізу Лунінца на трасе М10 16 чэрвеня а 9 гадзіне раніцы загарэўся аўтобус. У ім ехалі 45 чалавек. Відэа здарэння з'явілася ў сацыяльных сетках.

«Пасажыры пакінулі транспартны сродак самастойна, пацярпелых няма. Пажар ліквідаваны», - распавяла афіцыйная прадстаўніца абласной управы МНС Ірына Тукай.

Каля аўтобуса ў агні прыкладна на паўгадзіны перакрываўся рух.

Аўтобус - заказны, пасажыры ехалі на экскурсію з Баранавічаў у Тураў.

«Як кажуць пасажыры, яны пачулі выбух і адбылося ўзгаранне ў задняй частцы аўтобуса ў раёне рухавіка. У аўтобусе знаходзіліся 45 чалавек», - растлумачылі ў абласной управе ДАІ.