Пад Лунінцам загарэўся аўтобус з дзясяткамі пасажыраў

• 16.06.2024, 12:33

Інцыдэнт патрапіў на камеру відэарэгістратара.

Недалёка ад горада Лунінец Берасцейскай вобласці на трасе загарэўся пасажырскі аўтобус. Інцыдэнт патрапіў на камеру відэарэгістратара, усталяванага ў адной з аўто, якія праязджалі міма.

Запіс у інтэрнэт раніцай 16 чэрвеня выклалі падпісчыкі Telegram-канала Берасцейскай абласной адміністрацыі "#1рэгіён". Калі менавіта здарыўся інцыдэнт і што стала яго прычынай, не ўдакладняецца. Інфармацыі ад праваахоўных органаў, МНС або ДАІ наконт гэтага пакуль таксама не паступала.

На відэа бачна, што агнём ахопленая ўся задняя частка салона пасажырскага аўтобуса, а самі пасажыры пакінулі аўтобус і стоўпіліся на ўзбочыне, адышоўшы ад ахопленага агнём транспарту на бяспечную адлегласць.