Стала вядома, колькі беларускіх спартоўцаў дапушчана на Алімпіяду ў Парыжы

• 15.06.2024, 15:46

Не пусцілі таэквандыста і цяжкаатлета?

МАК апублікаваў спіс беларускіх атлетаў, дапушчаных на Алімпіяду ў Парыжы. У ім няма таэквандыста і цяжкавагавіка з Беларусі, якія атрымалі алімпійскія ліцэнзіі.

Да спаборніцтваў у нейтральным статусе дапушчаны 11 спартоўцаў з беларускімі пашпартамі. У спісах з веласпорту і скачках на батуце пералічаны ўсе беларусы, якія прайшлі кваліфікацыю. А вось у спісе беларускіх таэквандыстаў, якія паедуць на Алімпійскія гульні, пуста — хаця ў Георгія Гурцыева і ёсць алімпійская ліцэнзія, заўважыла Еўрарадыё.

Тое ж самае з цяжкай атлетыкай. У спісе ўдзельнікаў Алімпіяды-2024 адсутнічае Эдуард Зязюлін. Допуск атрымалі толькі Яўген Ціханцоў і Сюзана Валадзько.