У Славакіі змяніўся прэзідэнт

• 15.06.2024, 15:35

Ім стаў Петэр Пелегрыні.

Петэр Пелегрыні, які перамог на прэзідэнцкіх выбарах у Славакіі, 15 чэрвеня афіцыйна прыняў прысягу і прыступіў да выканання абавязкаў.

Аб гэтым паведамляе выданне Aktuality.

Цырымонія, на якой Пелегрыні пачаў выконваць паўнамоцтвы прэзідэнта Славакіі, праходзіць у канцэртнай зале Рэдута Славацкага філарманічнага аркестра, дзе арганізуюць сімвалічнае пасяджэнне парламента.

На мерапрыемстве, куды запрасілі блізу 400 гасцей, ужо былы славацкі прэзідэнт Зузана Чапутава афіцыйна перадала паўнамоцтвы Пелегрыні.

У першай прамове ў статусе прэзідэнта Славакіі Пелегрыні ўзгадаў аб нядаўнім замаху на прэм'ер-міністра Робэрта Фіца і заклікаў да дасягнення міру і аб'яднання грамадства.

Афіцыйныя мерапрыемствы з нагоды інаўгурацыі новага славацкага прэзідэнта працягнуцца да вечара суботы, сярод іх - урачыстая імша і вайсковы парад у Браціславе.

Першае афіцыйнае з'яўленне Пелегрыні на міжнароднай арэне чакаецца ўжо 17 чэрвеня: ён будзе прадстаўляць Славакію на нефармальнай сустрэчы лідараў ЕЗ у Брусэлі. А першую замежную паездку - паводле традыцыі, у Чэхію, - Пелегрыні зробіць 26 чэрвеня.