Былы дом Чэрчыля ў Лондане выставілі на продаж

• 14.06.2024, 18:16

За £19,5 млн.

У Лондане выставілі на продаж былы дом Уінстана Чэрчыля, прэм'ер-міністра Вялікай Брытаніі, які займаў гэтую пасаду ў 1940–1945 і 1951–1955 гадах. Кошт лота – £19500000, паведамляе Mansion Global.

Асабняк размешчаны ў раёне Кенсінгтон, у некалькіх кроках ад яго знаходзяцца Гайд-парк і каралеўскі Альберт-хол. Чэрчыль набыў гэты дом у 1946 годзе і жыў тут да сваёй смерці ў 1965 годзе. Першапачаткова ён выкарыстоўваў гэтае памяшканне як офіс, а затым аб'яднаў яго з суседнім домам, удакладняецца ў паведамленні.

У асабняку ёсць шэсць спальняў, кухня, зала для сняданку, сталовая, некалькі старадаўніх камінаў, трэнажорная зала і ўласная тэраса. З дому можна выйсці ў невялікі сад.