Трамп расказаў, што падштурхнула Пуціна напасці на Украіну

• 14.06.2024, 11:31

І зноў паабяцаў спыніць вайну.

Былы прэзідэнт ЗША Дональд Трамп расказаў аб сустрэчы з байцом UFC Хабібам Нурмагамедавым, які заклікаў яго дапамагчы спыніць вайну ва Украіне, за час якой, са слоў Трампа, загінула ўжо 500 тысяч салдат - украінскіх і расейскіх. Ён таксама выказаўся аб тым, што калі б Хілары Клінтан выперадзіла яго на выбарах у 2017 годзе, ЗША б вялі ядзерную вайну з Паўночнай Карэяй. Відэа апублікаванае на YouTube-канале Impaulsive.

45-га прэзідэнта ЗША спыталі аб тым, што ён думае аб дазволе ЗША наносіць абмежаваныя ўдары па РФ амерыканскай зброяй, пасля якога РФ накіравала караблі да берагоў Кубы.

Былы прэзідэнт ЗША Дональд Трамп чарговым разам заявіў, што вайны ва Украіне ніколі б не было, калі б ён знаходзіўся ва ўладзе ў ЗША.

«Так шмат мёртвых людзей, толькі салдат - паўмільёна салдат з абедзвюх краін. Але столькі шмат загінулых, столькі гарадоў, вёсак, дамоў. Выдатную культуру проста знішчаюць», - сказаў Трамп.

Паводле ягоных слоў, вайны не было ў яго бытнасць прэзідэнтам, і яна б не здарылася, таму што ён «вельмі добра ладзіць з Пуціным».

«У мяне добрыя стасункі з [прэзідэнтам Украіны Уладзімірам] Зяленскім, але гэтага б не адбылося, не было б і 7 кастрычніка (напад баевікоў ХАМАС на Ізраіль - рэд.), не было б і інфляцыі, і таго выхаду з Афганістана. Мы б выйшлі з Афганістана з годнасцю, моцнымі. Думаю, што гэта быў самы ганебны дзень у гісторыі нашай краіны», - адзначыў Трамп.

Паводле ягоных слоў, тое, як войскі ЗША выходзілі з Афганістана, падштурхнула прэзідэнт РФ Уладзіміра Пуціна да поўнамаштабнага ўварвання ва Украіну.

«Тое, што адбылося ў Афганістане… думаю, калі Пуцін пра гэта даведаўся, то сказаў: «Ну, добра, давайце пачнём». Ведаеце, хто яшчэ за гэтым назіраў — кітайскі прэзідэнт Сі. Цяпер у яго ёсць віды на Тайвань, ён пускае сліну. І там нешта можа здарыцца. Мы страцілі павагу, з нас смяюцца ва ўсім свеце.