Кіліян Мбапэ: Нацыянальная каманда Францыі едзе ў Нямеччыну, каб тварыць гісторыю

• 13.06.2024, 9:53

Вядомы футбаліст падзяліўся чаканнямі ад Еўра-2024.

Нападнік нацыянальнай каманды Францыі Кіліян Мбапэ падзяліўся чаканнямі ад Еўра-2024, піша by.tribuna.com.

«Мы едзем у Нямеччыну, каб тварыць гісторыю. Гэта наша праца. Мы гатовыя, імкнемся да поспеху і ведаем, што рабіць. Мы можам зрабіць што-небудзь добрае для нашай краіны, калі прывязем трафей дадому.

Мы будзем ісці да гэтага паэтапна. Спачатку мы павінны прайсці групавы этап, а потым убачым», – сказаў Мбапэ для Sport Bild.

Французы на чэмпіянаце Еўропы згуляюць у групе разам з Аўстрыяй, Нідэрландамі і Польшчай.