Польшча атрымала другі самалёт далёкага радыёлакацыйнага выяўлення
- 11.06.2024, 21:46
Першы Saab 340 AEW прыбыў у краіну ў пачатку сакавіка.
У Польшчу прыбыў яшчэ адзін самалёт далёкага радыёлакацыйнага выяўлення (ДРЛА) Saab 340 AEW, паведаміла агенцтва ўзбраенняў краіны ў Х.
Другі Saab 340 AEW на тэрыторыі Польшчы. Прыём, навучанне і ўкараненне ў баявую працу – гэта іх найбліжэйшая будучыня, – гаворыцца ў публікацыі. Першы самалёт прыбыў у краіну ў пачатку сакавіка.
Польшча падпісала кантракт на пастаўку двух Saab са Швэцыяй у ліпені 2023 года. Яго памер склаў блізу 230 млн злотых (блізу $56 млн).
Saab 340 AEW – самалёт далёкага радыёлакацыйнага выяўлення і кіравання. Яны таксама могуць адсочваць нізкалётныя цэлі, напрыклад беспілотнікі або крылатыя ракеты, на адлегласці некалькі сотняў кіламетраў.