«Яны выбіваюць, выбіваюць, выбіваюць нашы караблі, НПЗ, склады!»
- 25.05.2024, 18:00
Вядомая расейская прапагандыстка сарвалася.
Крамлёўская прапагандыстка Анастасія Кашаварава сарвалася і расказала расейцам непрывабную праўду, што адбываецца на вайне.
Яна паскардзілася на вялізныя страты і папярэдзіла пра будучы ўкраінскі контрнаступ, паведамляе Диалог.UA.
Яна запэўнівае, што ўкраінскі контрнаступ можа пачацца ўжо восенню 2024 года. І пакуль УСУ назапашваюць сілы, войска РФ планамерна сточваецца.
«УСУ дакладна, метадычна выбіваюць у нас паліва і абарону. Пазаўчора комплекс СПА быў знішчаны ў "ДНР". Украіна дзяўбе дронамі і ракетамі па НПЗ (нафтаперапрацоўчых заводах – рэд.), складах ПЗМ (паліва-змазачных матэрыялаў – рэд.) і запраўках... У "ЛНР" пасля серыі ўдараў склалася праблема з палівам, байцы за свой кошт набываюць... Яны (Сілы абароны Украіны – рэд.) метадычна выбіваюць, выбіваюць, выбіваюць. Караблі, НПЗ і склад ПЗМ у прыфрантавой і франтавой зоне… На палігонах займацца становіцца складаней. Да "ЛНР" падвезлі "Хаймарсы" (РСЗА HIMARS – рэд.). Там цяпер вельмі цяжка, працэс навучання стаў горшым. Склады БК (боекамплекту – рэд.), чакальнікі здаюць пункты», – напісала прапагандыстка.
Яна запэўніла, што поспехаў на фронце ў расейскага войска няма. Захоп некалькіх разбураных малюсенькіх пасёлкаў даецца такой вялікай колькасцю стратаў, што неўзабаве ад УС РФ ізноў нічога не застанецца.
Прызнала Кашаварава праблемы і з артылерыяй. Паводле звестак прапагандысткі, камандзіры РФ праз дэфіцыт жывой сілы выкарыстоўваюць артылерыстаў як штурмавікоў, сточваючы іх аб умацаваныя лініі абароны УСУ. Усё дрэнна ў расейцаў, паводле яе звестак, таксама з дронамі і сістэмамі радыёэлектроннай барацьбы.