На Кастрычніцкай плошчы ў Менску прыбралі старую плітку

• 20.05.2024, 19:18

Стала вядома, чым яе заменяць.

У Менску 19 траўня пачалі рамантаваць плітачнае пакрыццё на Кастрычніцкай плошчы. Пра гэта паведамляе агенцтва «Минск-Новости».

Старую плітку прыбралі, а замест яе, са слоў начальніка ўправы «Цэнтр» прадпрыемства «Гаррамаўтадар Менгарвыканкама» Руслана Ясючэні, пакладуць новую, якая будзе выглядаць у форме малюнка з нацыянальнымі ўзорамі, у тым ліку арнаментам.

Плошча работ даволі вялікая (амаль 26 тысяч квадратных метраў), але іх хочуць выканаць як мага хутчэй, таму «Гаррамаўтадар» задзейнічае тут максімальную колькасць супрацоўнікаў і тэхнікі.