Кур'ер ашуканцаў забраў у менскай пенсіянеркі 760 тысяч еўраў

• 8.02.2024, 16:22

Імаверна, гэта рэкорд.

У Менску супрацоўнікі міліцыі затрымалі непаўналетняга кур'ера тэлефонных ашуканцаў, які забраў у пенсіянеркі больш за 760 тысяч еўраў. Пра гэта паведамляе прэс-служба МУС.

Магчыма, гэта рэкорд.

Да гэтага самай вялікай сумай, якую беларусы перадавалі кібераферыстам, было больш за 150 тысяч далараў і 125 тысяч еўраў — у Гародні 85-гадовая пацярпелая ў жніўні 2022 года аддала іх махлярам, каб яе ўнучку нібыта не прыцягнулі да адказнасці за ўдзел у ДТЗ.