У Вярхоўнай Радзе Украіны заклікалі адправіць Лукашэнку за краты

• 26.02.2024, 10:05

Украінскія дэпутаты заклікалі дэмакратычны свет падтрымаць барацьбу беларусаў за свабоду.

25 лютага міжфракцыйнае дэпутацкае аб'яднанне Рады Украіны "За дэмакратычную Беларусь!" выступіла з заявай, у якой заклікала міжнародную супольнасць не прызнаваць легітымнасць так званых “выбараў” у Беларусі і выкарыстоўваць усе даступныя інструменты для таго, каб Лукашэнка апынуўся за кратамі, піша сайт “Радыё Свабода”.

У заяве адзначаецца, што сёлетнія “выбары” ў Беларусі праводзяцца ва ўмовах фактычнай адсутнасці апазіцыі, міжнародных назіральнікаў, а таксама з тысячамі палітвязняў у турмах, а не на выбарчых участках. Дэпутаты згадваюць, што ў 2023 годзе быў падпісаны закон аб змене Выбарчага кодэкса Беларусі, паводле якога на выбарах дэпутатаў быў скасаваны парог прыходу, што дазваляе праводзіць гэтыя выбары нават калі народ Беларусі адмаўляецца браць у іх удзел.

“Правядзенне парламенцкіх і мясцовых “выбараў сёння - не з'яўляецца працэсам волевыяўлення беларускага народа, а толькі інструментам паглыблення і ўкаранення дыктатуры самаабвешчанага прэзідэнта Лукашэнкі”, - гаворыцца ў заяве.

У ім міжфракцыйнае дэпутацкае аб'яднанне Рады Украіны "За дэмакратычную Беларусь!" заклікае ўрады і парламенты дэмакратычных краін свету "падтрымаць барацьбу беларускага народа за сваю свабоду".