У Смалявічах са школы эвакуявалі 77 чалавек

• 21.02.2024, 17:04

У тым ліку 65 вучняў.

21 лютага ў школе №2 у Смалявічах адбылося задымленне. На месца здарэння прыбылі пажарныя.

Вучняў школы эвакуявалі. Пацярпелых няма, паведамляе МНС.

Задымленне адбылося ў паддашкавым памяшканні. Да прыбыцця ратавальнікаў з будынка эвакуявалі 77 чалавек, у тым ліку 65 вучняў. Тленне было ліквідаванае пажарнымі.