Пілот самалёта «Турэцкіх авіяліній» памёр падчас палёту

• 9.10.2024, 21:08

Самалёт здзейсніў экстранную пасадку ў Нью-Ёрку.

Пілот авіякампаніі Turkish Airlines памёр падчас палёту рэйсу Сіэтл – Стамбул, паведаміў прадстаўнік перавозніка Ях'я Усцюн у сацсетцы Х (Twitter).

Камандзір рэйсу Ільчэхін Пехліван кіраваў паветраным караблём Airbus 350.

«Пілот ...> страціў прытомнасць падчас палёту. Калі першая медыцынская дапамога не дала вынікаў, экіпаж самалёта прыняў пастанову здзейсніць экстранную пасадку, але наш капітан памёр да прызямлення», – напісаў Усцюн.

Самалёт здзейсніў экстранную пасадку ў Нью-Ёрку.

Пехлівану было 59 гадоў, у Turkish Airlines ён працаваў з 2007 года. Восьмага кастрычніка ён прайшоў медабследаванне, праблемаў са здароўем спецыялісты не выявілі. Авіякампанія выказала спачуванні сям'і пілота.