Лукашэнку будуць хаваць у Маскве?

• 9.10.2024, 17:40

Палітолаг звярнуў увагу на цікавую дэталь.

Сёння, 9 кастрычніка, Пуцін узнагародзіў Лукашэнку ордэнам святога апостала Андрэя Першазванага.

«За выдатныя заслугі ў развіцці стасункаў саюзніцтва і стратэгічнага партнёрства паміж Расейскай Федэрацыяй і Рэспублікай Беларусь, умацаванне дружалюбных сувязей паміж расейскім і беларускім народамі, а таксама за вялікі асабісты ўнёсак у стварэнне і эфектыўную дзейнасць cаюзнай дзяржавы», - гаворыцца ў абгрунтаванні ўзнагароды.

Палітолаг Дзмітрый Балкунец звярнуў увагу на цікавую дэталь у сувязі з гэтай узнагародай.

«Пасля смерці ўзнагароджанага дзяржузнагароды захоўваюцца ў ягоных сваякоў, у выпадку адсутнасці сваякоў узнагароды вяртаюцца дзяржаве.

Паводле закона аб дадатковым штомесячным матэрыяльным забеспячэнні грамадзян за выдатныя дасягненні і асаблівыя заслугі перад Расеяй кавалеры ордэна могуць разлічваць на 415-адсоткавую прыбаўку да сацыяльнай пенсіі.

Акрамя таго, кавалеры ордэна могуць быць пахаваныя на Федэральных вайсковых мемарыяльных могілках у Мыцішчах», - піша палітолаг.