Медыкаў у Беларусі ўсё менш

• 9.10.2024, 15:34

Дэфіцыт павялічваецца.

Колькасць медыкаў у Беларусі працягвае скарачацца.

Як піша рэсурс banki24.by, за студзень-жнівень арганізацыі аховы здароўя (колькасцю 16+ чалавек) прынялі на працу 29,5 тысячы супрацоўнікаў. Звольнілі за гэты ж час 33,1 тысячы чалавек. Чысты адток кадраў склаў 3,6 тысячы чалавек.

Пры гэтым зазначаецца, што ў жніўні на працу было прынята 3,9 тысячы чалавек. Гэта сезонны прыток, звязаны з прыходам на працу маладых спецыялістаў, выпушчаных навучальнымі ўстановамі.

Прапорцыя прынятых і звольненых медыкаў у студзені-жніўні склала 89,3% (у сярэднім жа ў эканоміцы краіны яны складаюць 90,0%).