Дроны здзейснілі маштабны налёт на расейскі Ейск

• 9.10.2024, 8:03

У горадзе знаходзіцца стратэгічны аэрадром.

Уночы 9 кастрычніка дроны атакавалі Краснадарскі край Расеі. Аб гэтым паведамляе BBC са спасылкай на мясцовыя Telegram-каналы.

«Украінскія дроны, з паведамленняў з расейскіх крыніц, у пачатку ночы на сераду атакавалі расейскі горад Ейск, дзе размешчаны вайсковы аэрадром», - сказана ў паведамленні.

Так, расейскі маніторынгавы канал «Прымежжа» паведаміў, што над рэгіёнам «шмат БПЛА».

«Горад Ейск размешчаны ў Краснадарскім краі, на беразе Азоўскага мора, прыкладна за 60 км праз мора ад Марыюпаля. У гэтым раёне ёсць буйны вайсковы аэрадром, які ўжо неаднаразова зазнаваў налёты ўкраінскіх дронаў», - адзначылі журналісты.