У Барысаве гарэла дрэваапрацоўчае прадпрыемства

• 8.10.2024, 21:53

Відэа.

У Барысаве 8 кастрычніка гарэла дрэваапрацоўчае прадпрыемства, паведамілі ў МНС. Пажар атрымалася патушыць.

Падраздзяленні МНС ліквідавалі загаранне на дрэваапрацоўчым прадпрыемстве па вуліцы Завадской у Барысаве.

Паводле папярэдніх звестак, загарэлася лінія гатункавання лесу.

«Пацярпелых няма. Прычына інцыдэнту высвятляецца», – паведамілі ў МНС.

На Завадской вуліцы ў райцэнтры знаходзіцца Барысаўскі дрэваапрацоўчы камбінат – «найбуйнейшае дрэваапрацоўчае прадпрыемства Рэспублікі Беларусь», як паказана на сайце гэтай кампаніі.