За колькі баравікі на менскай Камароўцы

• 8.10.2024, 20:28

У продажы поўна і іншых грыбоў.

Баравікі прадаюцца за 85–100 рублёў за кілаграм на менскай Камароўцы. Інфармацыя пра гэта апублікаваная ў сацыяльных сетках Камароўскага рынку.

У сацсетках Камароўкі адзначылі, што ў аўторак, 8 кастрычніка, у продажы было шмат грыбоў, у тым ліку і баравікоў. Іх прадавалі за 85 і 100 рублёў за кілаграм. А за вядзерца, напрыклад, прасілі ад 30 да 40 рублёў. Таксама ў продажы былі апенькі. Іх кошт быў 10,90 рубля за кіло. Акрамя таго, тры літры можна было знайсці за 20 рублёў. Кошт за невялікае вядро чырвонагаловікаў быў 40 рублёў.