Кошты нафты Brent ўпалі на 5%

• 8.10.2024, 19:25

Апусціліся ніжэй за $77 за барэль.

Кошт снежаньскіх ф'ючэрсаў на нафту Brent на лонданскай біржы ICE знізіўся на 5,11% і на мінімуме апусціўся да $76,8 за барэль.

Да 18:46 па Менску падзенне запаволілася да 4,48%, Brent таргавалася па $77,31 за барэль. Адначасова з гэтым кошт ф'ючэрсаў на нафту WTI з пастаўкай у лістападзе на Нью-Ёркскай таварнай біржы ўпаў на 4,58%, да $73,61 за барэль.

Кошты нафты ўпалі пасля таго, як Нацыянальная камісіі развіцця і рэформ Кітая скончыла прэс-канферэнцыю, не абвясціўшы аб дадатковых захадах стымулявання эканомікі Кітая.