Байдэн скасаваў паездкі ў Нямеччыну і Анголу

• 8.10.2024, 18:33

Праз ураган «Мілтан».

Амерыканскі прэзідэнт Джо Байдэн пастанавіў адкласці паездкі ў Нямеччыну і Анголу праз ураган «Мілтан», які набліжаецца да ЗША, гаворыцца ў пісьмовай заяве прэс-сакратаркі Белага дома Карын Жан-П'ер.

Байдэн адклаў паездкі, «каб пракантраляваць падрыхтоўку да ўрагану «Мілтан» і ўжыванне захадаў у сувязі з яго набліжэннем, у дадатак да дзеянняў па ліквідацыі наступстваў урагану «Хелен» на паўднёвым усходзе краіны», - удакладніла яна.

Чакалася, што Байдэн прабудзе ў Нямеччыне з 10 да 12 кастрычніка, дзе сустрэнецца з украінскім прэзідэнтам Уладзімірам Зяленскім. Пазней, з 13 да 15 кастрычніка, ён планаваў наведаць Анголу і правесці перамовы з калегам Жаау Лоўрэнсу.

Ураган «Мілтан» можа ў сераду накрыць затоку Тампа, у раёне якога жывуць больш за 3,3 млн чалавек. Паводле інфармацыі Нацыянальнага цэнтра ЗША для адсочвання ўраганаў (NHC), ён рухаецца з хуткасцю 14,5 км/г, парывы ветру дасягаюць 287 км/г.

Папярэджанні аб урагане «Мілтан» з'явіліся праз дзесяць дзён пасля ўрагану «Хелен», які абрушыўся на Фларыду, у выніку якога загінулі больш за 270 чалавек.