Сілавікі затрымалі каталіцкага ксяндза

• 8.10.2024, 14:34

За нібыта захоўванне "экстрэмісцкіх матэрыялаў".

Стала вядома пра затрыманне святара парафіі Сэрца Езуса ў Каралёўшчыне, ксяндза-каноніка Юрыя Бараўнёва — яно адбылося ўчора.

Ксяндза пераследуюць за нібыта захоўванне “экстрэмісцкіх матэрыялаў” (арт. 19.11 КаАП РБ). Павінен адбыцца суд.

Віцебская вобласць з'яўляецца "лідарам" у затрыманнях каталіцкіх святароў. Усяго з 2020 года праз адміністрацыйныя арышты прайшоў 31 ксёндз, з іх 13 - з Віцебскай дыяцэзіі.