У Берасці з сённяшняга дня не будзе праводзіцца папулярны ў турыстаў «рытуал»

• 8.10.2024, 10:56

Паставілі на паўзу.

На вядомай пешаходнай вуліцы Савецкай у Берасці чатыры дні не будзе праводзіцца цырымонія запальвання газавых ліхтароў. Аб гэтым паведаміла прэс-служба гарвыканкама.

Папулярны ў турыстаў "рытуал" паставілі на паўзу з 8 да 11 кастрычніка ўключна. Прычына — планавыя прафілактычныя работы і рамонце гарадскіх газавых ліхтароў.

Аб часе запальвання ліхтароў гарадскія ўлады паабяцалі паведаміць дадаткова.