ЦАХАЛ паведаміла пра ўдары па больш як 120 аб'ектах «Хезбалы» ў Ліване за гадзіну

• 7.10.2024, 21:06

У ліку цэляў – ракетная база і выведны штаб тэрарыстычнай групоўкі.

Цягам гадзіны 100 знішчальнікаў ізраільскіх Ваенна-паветраных сілаў атакавалі больш як 120 аб'ектаў ліванскай шыіцкай групоўкі «Хезбала» на поўдні Лівана, паведаміла войска абароны Ізраіля (ЦАХАЛ).

У гэты лік увайшлі ў тым ліку ракетная база і выведны штаб групоўкі на поўдні Лівана. У ЦАХАЛ адзначылі, што «Хезбала» размясціла сваю інфраструктуру ў цывільных раёнах Лівана. Перад атакамі ізраільскі бок заклікае жыхароў Лівана эвакуявацца.

The Times of Israel, спасылаючыся на вайскоўцаў, піша, што за апошнія два тыдні ізраільскія ВПС нанеслі ўдары па больш як сотні аб'ектаў «Хезбалы» ў Бейруце.