Зяленскі анансаваў раскрыццё плану перамогі для ўсіх украінцаў

• 7.10.2024, 20:47

Паводле ягоных словаў, план павінен быць зразумелы кожнаму ў краіне.

Прэзідэнт Украіны Уладзімір Зяленскі заявіў, што план перамогі Украіны павінен быць зразумелы кожнаму ў краіне. Яго хутка раскрыюць украінцам.

Пра гэта паведамляе РБК-Украіна са спасылкай на зварот прэзідэнта.

Паводле словаў Зяленскага, неабходна зразумець пазіцыі ўсіх партнёраў Украіны і такім чынам узмацніць план перамогі. Пасля гэтага ён стане публічным для ўсіх.

«Важна, што перспектыва павінна быць зразумелай для кожнага ў нашай краіне. Мы прапануем нашым партнёрам вызначыцца, як яны бачаць заканчэнне гэтай вайны, месца Украіны менавіта ў глабальнай архітэктуры бяспекі, а таксама – з агульнымі крокамі, якія могуць паставіць гэтую вайну на курс да заканчэння», – расказаў прэзідэнт.

Ён таксама заявіў, што чакае справаздачу ад украінскай каманды ў Вашынгтоне, якая працуе там над дэталямі плану перамогі.