Легендарны Леброн Джэймс упершыню згуляў разам з сынам за «Лэйкерз»

• 7.10.2024, 20:40

Гістарычная падзея ў НБА.

Знакаміты баскетбаліст Леброн Джэймс і ягоны сын Броні ўпершыню адначасова згулялі за «Лос-Анджэлес Лэйкерз» у матчы НБА.

Бацька і сын выйшлі на паркет у перадсезонным паядынку супраць «Фінікс Санз», згуляўшы разам больш за 4 хвіліны.

39-гадовы Леброн вызначыўся 19 баламі ў матчы, Броні не набіраў балаў. Лэйкерз у выніку саступілі «Фініксу» з лікам 114:118.

Упершыню ў гісторыі НБА бацька і сын разам згулялі за адну каманду, паведамляе ESPN. Цікава, што ў дзень матчу Броні споўнілася 20 гадоў.

Лэйкерз выбралі Броні Джэймса на драфце НБА гэтым летам. У ліпені летась сын Леброна перажыў спыненне сэрца падчас трэніроўкі, аднак здолеў вярнуцца ў баскетбол пасля аперацыі.