Выбухаюць разеткі і мадэмы: менчукі скардзяцца на непаладкі ў электрасетцы

• 7.10.2024, 18:19

У некаторых жыхароў шматпавярховікаў згарэла бытавая і кампутарная тэхніка.

Адразу некалькі чалавек паведамілі аб праблемах з электрычнасцю ў Менску, паведамляе агенцтва «Минск-Новости».

Мясцовыя жыхары на вуліцы Славінскага расказалі, што ў кватэрах «узрываюцца мадэмы» і «страляе з разетак».

Таксама ў некаторых жыхароў шматпавярховікаў згарэла бытавая і кампутарная тэхніка. Дакладна невядома, што менавіта стала прычынай інцыдэнту.

Паводле папярэдніх звестак, на адной з падстанцый узніклі непаладкі з абсталяваннем.

Чакаецца, што электразабеспячэнне шматпавярховікаў на вуліцы Славінскага адновяць у найкарацнйшыя тэрміны.

Tochka.by звярнулася па каментар у «Менскэнэрга». У арганізацыі адзначылі, што яшчэ разбіраюцца ў тым, што здарылася.

«Прычынай тэхналагічнага парушэння стала пашкоджанне абсталявання ў трансфарматарнай падстанцыі ТП-4252. Спецыялісты працуюць над высвятленнем дакладных прычын пашкоджання абсталявання з мэтай прадухілення такіх сітуацый у будучыні», - распавялі журналісту ў арганізацыі.