У Google з'явіўся новы спосаб пошуку

• 6.10.2024, 21:28

Праз відэа.

Карыстальнікі Google атрымалі доступ да новага спосабу пошуку. Як піша BBC, зараз можна задаваць пытанні галасавому памочніку непасрэдна падчас відэаздымкі і атрымліваць інфармацыю аб аб'екце, які ў гэты момант знаходзіцца ў кадры.

Удакладняецца, што сэрвіс запісвае відэа як серыю малюнкаў і апрацоўвае іх з дапамогай тэхналогій камп'ютарнага зроку. Потым сабраная інфармацыя перадаецца спецыяльнай мадэлі Gemini, якая ўмее разумець паслядоўнасць кадраў і знаходзіць адказ на пастаўленае пытанне ў інтэрнэце.

Сэрвіс пакуль не можа вызначаць гукі - напрыклад, спевы птушак на відэа.

Пакуль функцыя працуе толькі на англійскай мове.