Трамп даў незвычайнае абяцанне выбаршчыкам у Пэнсільваніі

• 6.10.2024, 17:37

Ён заявіў, што ЗША высадзяцца на Марс да канца ягонага прэзідэнцкага тэрміну.

Кандыдат у прэзідэнты ЗША ад Рэспубліканскай партыі Дональд Трамп заявіў на перадвыбарчым мітынгу 5 кастрычніка, што ЗША "дасягнуць Марса" да канца ягонага прэзідэнцкага тэрміна, калі ён будзе пераабраны. Аб гэтым піша Sky News.

Мітынг праходзіў у месце Батлеры, штат Пэнсільванія, дзе на Трампа 15 верасня быў учынены замах.

На акцыі выступіў заснавальнік кампаній Tesla і SpaceX Ілон Маск, які выступае за каланізацыю Марса і плануе адправіць туды касмічныя караблі.

Прадпрымальнік заявіў, што Трамп павінен перамагчы на прэзідэнцкіх выбарах у наступным месяцы, каб "захаваць канстытуцыю" і "захаваць дэмакратыю ў Амэрыцы".

"Гэта сітуацыя, у якой перамога абавязковая", – заявіў Маск.